Engraziel fetg per Vies interess da separticipar al project da perscrutaziun What’s New, Switzerland? sco donatur:a d’in chat da WhatsApp. Co separticipar:
- Seregistrei sco donatur:a, sche quei ei Vossa emprema donaziun d’in chat
- Dumandei las persunas che participeschan al chat, schebein ellas mondien d’accord cun la donaziun, e supplichei ellas d’indicar lur adressa dad e-mail
- Exportei il chat da WhatsApp (instrucziun per iPhone ed Android)
- Tarmettei la datoteca exportada per e-mail a romontsch@whatsnew.ch (naven dall’adressa, cun la quala Vus haveis fatg la registraziun)
- Spitgei in pèr minutas tochen che Vus survegnis ina risposta per e-mail
- Clichei sin il link egl e-mail e:
- dei la lubientscha d’astgar duvrar il chat
- indichei las adressas dad e-mail dallas autras persunas che separticipeschan al chat per che nus sappien dumandar ellas per lubientscha
- (facultativ) fagei aschi bien ed indichei, schebein ei dat plaids sensibels e rispundi ad entginas damondas demograficas.
Sche vus fageis part d’in chat ch’enzatgi ha inoltrau sco donatur:a d’in chat, saveis Vus entscheiver cun pass 6.
Suenter ch’enzatgi ha inoltrau in chat sco donaziun e tut las persunas participadas han dau lur lubientscha, deidentifichein nus las datas cun agid da proceders automatisai. Quei vul dir che tut ils nums, tut las adressas, tut las numeras, etc. vegnan remplazzai ni allontanai. In exempel co in tal chat deidentificau vesa ora, anfleis Vus sin nossa pagina sut Il corpus!